The shepherd's wife cries o'er the lee,
Will ye come hame, will ye come hame?
The shepherd's wife cries o'er the lee,
Will ye come hame again e'en jo?

Oh! what will ye gi'e me to my supper,
Gin I come hame, gin I come hame?
Oh! what will ye gi'e me to my supper,
Gin I come hame again e'en jo?

Ye's get a panfu' o' plumpin parrige,
And butter in them, and butter in them:
Ye's get a panfu' o' plumpin parrige,
Gin ye will come hame again e'en jo.

Na, na, na, na; that's nae for me,
I winna come hame, I canna come hame;
Na, na, na, na; that's nae for me,
I winna come hame again e'en jo.

Ye's get a hen well boil'd i' the pat,
An ye'll come hame, an ye'll come hame;
Ye's get a hen well boil'd i' the pat,
An ye'll come hame again e'en jo.

Na, na, na, na; that's nae for me,
I winna come hame, I canna come hame;
Na, na, na, na; that's nae for me,
I winna come hame again e'en jo.

A weel made bed, and a pair of clean sheets,
An ye'll come hame, an ye'll come hame;
A weel made bed, and a pair of clean sheets,
An ye'll come hame again e'en jo.

I, I, I, I; O that's for me,
I will come hame, I will come hame;
I, I, I, I; O that's for me,
I'll haste me hame again e'en jo.