Dodici canzoni piemontesi

Mi son levame na matin, pòvero amor, 
na matin bin da bon ora, Rosignolin, 
... d'amor. 

Son andàit ant ël giardin, pòver amor,
a cheuje d'una fioreja, Rosignolin,
... d'amor.

La dipartìa tra noi doi, pòver amor,
mè pare a veul ch'im maria, Rosignolin,
... d'amor.

E da già ch'i pio pa voi, pòver amor,
I v'invito a le mie nòsse, Rosignolin,
... d'amor. 

La bela l'é andàita a le nòsse, pòver amor,
l'han subit sonàje na dansa, Rosignolin,
... d'amor.

La prima danza ch'a l'ha balà, pòver amor,
l'é cascà 'n tèra mòrta, Rosignolin,
... d'amor.

La seconda ch'a l'han sonà, pòver amor,
l'é cascà chiel da l'àutra banda, Rosignolin,
... d'amor.

Quand che Pero l'era an sl'uss chiel a tërmolava.
L'é intré ch'a na vorìa ma nòn s'incalava,
... 

Soa fomna l'era lì, e s'a j'ha ben dije: Intra, Pero!
Quand che Pero l'era stà chiel a tërmolava. 
L'é setesse ch'a vorìa ma nòn s'incalava.

Soa fomna l'era lì, e s'a j'ha ben dije: Setti, Pero!
Quand che Pero l'era stà chiel a tërmolava. 
L'é mangé ch'a na vorìa ma nòn s'incalava.

Soa fomna l'era lì, e s'a j'ha ben dije: Mangia, Pero!
Quand che Pero l'ha mangià, chiel a tërmolava.
A l'é bèivi ch'a vorìa, ma nòn s'incalava. 

Soa fomna l'era lì, e s'a j'ha ben dije: Bèivi, Pero!
Quand che Pero l'ha beivù, chiel a tërmolava,
L'é cogiessi ch'a vorìa ma non s'incalava. 
Soa fomna l'era lì, e s'a j'ha ben dije: Cogg-te, Pero!

Quand che Pero l'é stàit cogià, chiel a tërmolava,
L'é basela ch'a vorìa ma nòn s'incalava. 

Soa fomna l'era lì, e s'a j'ha ben dije: Basmi, Pero!
Quand che Pero l'ha basà, chiel a tërmolava,
L'é ... ch'a vorìa ma nòn s'incalava.

Son le fiëtte di Moncalé,
van a Turin filé la seda.
Col vej vejon feje giré 'l caplon,
con vej vejass feje giré 'l caplass.

Quand a son stàite a metà stra
son riscontrasse 'n sò barba prèive.
... 

"Bele fiëtte, torné 'ndaré,
La vòstra mama veul maridevi." 
...

"Col vej vejon mi lo veuj nen,
veuj col giovo che mi consola."
...

"Che mi consola tre vòlte al dì, 
'ncora na vòlta la mezanòtte."
...

J'é tre fratej con na sorla ch'a son condanà a la mòrt, ...
'L fratel a-j dis a la sorela: "Ò cantoma na canson." ... 
"Coma veule mai ch'i fassa, ch'i l'hai nen né fià né vos?"  ... 
Tanto bin coma cantavo, s'a fasìo tremé 'l mar. 
E lo Rè l'era setà a tàula, s'a chita di disné,
s'a na dis a le soe serve: "Chi saran coj përzoné,
Un ë veuj ant le mie guardie, l'àutr mè page lo veuje fé.
L'àutr ël veuj an scuderìa pë sentì tan bin canté,
për sentì tan bin canté."

"Ò muliné dla bon-a ventura,
vodrìe meuli sensa fé motura,
caro il ben belo d'amor, amor."

"Sensa pié motura mi na peuss pa meuli,
mi l'hai da bzògn che 'l mè mulin a renda.
..." 

Tramentre che 'l mulin a fà farin-a
ël muliné dimora la biondin-a.
...

Tramentre che 'l mulin a vira e vòlta, 
ël muliné a 'l l'ha basà na vòlta.
...