[Zwei] Kärnther Volksweisen für eine Singstimme mit Pianoforte

Mei Diandl håt zwa Äugerln, so schårz wie die Kohl'n,
mit dö håt mir 's Schlankerle mein Herzle schon g'stohln.
Hiaz hat sie mei Herzle, und i ihre Aug'n,
und 's Herzle und d' Äugerln, dö tuan hålt z'såmm taug'n.
(Jodler.)

Der Herrgott in Himmel durt, der gibt uns den Seg'n,
er håt hålt sei Freud dårån, wenn wir uns gern mög'n.
Die Liab kumt von Himmel, ma kånn nix dafür,
wånn d' Liab nit bei uns war', wås war ma dånn mir.
(Jodler.)

Und ruaft mi der Tod åb, so gehma hålt mit,
åber mirk dir, mei Schåtzerle, i hätt' noch a Bitt':
Geh' pflånz mir afs Grable a Bleamerl, i bitt;
dånn bet an Vaterunser, åber wanen därfts nit.
(Jodler.)

Tånzen und singen, dås is mei Freud,
z' rafen und ringen, då hätt'i a Schneid.
Und bin i recht zurnig, und bin i recht zach,
nur An's måcht mi hamlich, nur An's måcht mi wach:
A Busserl von Diandlan, dås schmeckt hålt so fein!
A Busserl von Diandlan, und guat muass i sein.

's Beten und Frummsein geht mir nit ein,
i sitz hålt viel liaber in Wirtshaus bein Wein.
Doch zupft mi mei Diandle und sågt „Gehst nit ham?”,
då gibt's mir an Drahler, wer' wach wia a Lahm.
A Busserl von Diandlan, dås stimmt an hålt um!
A Busserl von Diandlan macht den Teufel selbst frumm.

Ruaft mi der Kaiser, z' streiten für's Lånd -
die Karntner, die sein jå åls tåpfer bekånnt!
Und trifft mi a Kugel und z'reißt mir die Brust,
Noch An's möcht' i håben, dånn stirb i mit Lust:
A Busserl von Diandlan, dås lindert den Schmerz!
A Busserl von Diandlan, dann bricht's Karntnerherz.