Sarcæ ad litora fluminis canebat
Pastor Sarcius adpetente vere
Dum pascit niveas suas capellas,
Et texit salice e levi quasillum
O pulcherrims Phylli quid moraris?
Cur non huc ades O venusta Phylli?
Viden buxifer ut vocat Brionus,
Lymphanusque caput nitens oliva;
Te pomaria , te vocant salicta,
Et nostri sine te greges miselli,
O pulcherrima Phylli , quid moraris?
Jam florent siluæ, nemus virescit,
Hic carpes violam, et rosas rubentes,
Et texes capiti tuo corollam,
Hic inter corylos, et illiceta
Captabis placidum petulca somnum,
Hic unda vitrea pedes lavabis,
O pulcherrima Phylli quid moraris?