Umb deinetwegen bin ich hie, 
Herzlieb, vernimm mein Wort, 
All meyn Hoffnung setz' ich zu dir, 
Darin treib ich keyn Spott. 
Laß mich der Trew genießen, 
Deyn Diener will ich seyn, 
Tu mir deyn Herz aufschließen, 
Schleuss mych Herzlieb darein. 

Man hat uns beyd' verlogen ser, 
Dz weyst du Herzlieb wol, 
Dz haben die falschen Klaffer getan, 
Die sind uns beiden nicht hold, 
Wir wollen's je wider vergelten, 
Rat du meyn trewer Schatz, 
Erst wil ich dich lieb haben, 
Dem Klaffer zu Neyd undt Haß. 

Bei meynes Bulen Kopffenn   
Do steet eyn güldtner Schreinn, 
Darinn da leyt verschloßenn 
Das junge Herze meynn, 
Wolt Gott ich het den Schlüßel, 
Ich würff jn in den Reynn.
Wer ich bei meynem Bulenn, 
Wie möcht myr baß geseinn. 

Bei meynes Bulen Füssen, 
Da fleusst eyn Prünleyn kalt. 
Wer dz Prünnleins tut trincken, 
Der jungt undt wird nicht alt. 
Ich hab des Prunnleyns g'truncken, 
Vil manchen stolzen Trunck 
Nicht liber wolt ich myr wunschen 
Meynes Bulen roten Mund.  

In meynes Bulen Garten, 
Da steen vil edeler Blüt. 
Wolt Gott solt ich jr warten 
Dz wer meyns Herzens Frewd, 
Di edlen Rößlein brechen, 
Denn es ist an der Zeyt. 
Ich traw sie wol tzu erwerben, 
Die myr ym Herzen leyt.  

In meynes Bulen Garten  
Da steen zwey Bewmeleyn, 
Dz ein dz tregt Muschaten, 
Dz ander Negeleyn. 
Di Muschaten die sind süsse, 
Di Negeleyn die sind veß, 
Di geb ich meynem Bulen 
Dz er meyn nicht vergeß.  

Zu Dinst sey dz gesungen 
Der Allerliebsten meyn, 
Ihr Lieb hat mych bezwungen, 
Ich kan ihr nit feind gesein 
Dieweil ich hab das Lebenn. 
Dz glaub sie myr verwar, 
Wil ich sie nit aufgebenn 
Undt lebet ich tausend Jahr. 

Undt der uns disen Reyen sang, 
So wol gesungen hat, 
Dz haben getan zween Hawer 
Zu Freybergk in der Stat. 
Sie haben so wol gesungen 
Bey Met undt külen Weyn, 
Darbey da ist gesessen 
Der Wirtin Töchterleyn.