Au travail suis que peu de gens croiroient
On le peut bien qui veult apercevoir
Mais c'est pour ce que ne puis veoir
Ma maistresse ainsi qu'aultres feroient.

Bien envieux certes aucuns seroient
Se de sa grace du bien povoie avoir
    Au travail suis que peu de gens croiroient
    On le peut bien qui veult apercevoir

S'il m'avenoit grant douleur porteroient
Car voir mon bien l'eur feroit recevoir
Mal si tres grant que s'il duroit pour voir
Je suis tout seur que de duel creveroient.

    Au travail suis que peu de gens croiroient
    On le peut bien qui veult apercevoir
    Mais c'est pour ce que ne puis veoir
    Ma maistresse ainsi qu'aultres feroient.