Arápete fenesta!
Famme affacciá a Maria,
ca stóngo 'mmiez' 'a via...
speruto d' 'a vedé.

Nun trovo n'ora 'e pace:
'a notte 'a faccio juorno,
sempe pe' sta ccá attuorno,
speranno 'e ce parlá!

Oje Mari', oje Mari',
quanta suonno ca perdo pe' te!
Famme addurmí,
abbracciato nu poco cu te! etc.

'Mmiez'a stu ciardeniello,
ce ride 'a malvarosa...
Nu lietto 'e fronne 'e rosa
aggio fatto pe' te...

Viene che 'a notte è doce,
'o cielo ch'è nu manto...
Tu duorme e io te canto
'a nonna a fianco a te...

Oje Marí', oje Marí', etc.

Pare ca giá s'arape
na sénga 'e fenestella...
Maria cu 'a manella,
nu segno a me mme fa!

Sòna chitarra mia!
Maria s'è scetata!...
Na scicca serenata,
facímmola sentí:

Oje Marí', oje Marí', etc.