Fyrste Fuglen, fyrste Fuglen
sit og syng paa Björkegrein, 
vekkjer Vaaren upp, som blundar
djupt inni dei dimme Lundar,
lokkar Blomer fram og Kumar
roper paa den sæle Sumar,
roper paa den sæle,
den sæle Sumar.

Fyrste Fuglen, fyrste Fuglen
sit og syng paa Björkegrein,
Soli glytter gjennom Skoda,
nedi Moldi vaknar Broddar,
Symra i dei berre Haugo,
romsar seg og slær upp Augo.

Fyrste Fuglen, fyrste Fuglen
sit og syng paa Björkegrein.
Ho, som hev det glade Yrke:
læ og smila Helg og Vyrke.
Tiritunga nedi Bakken
dröymer alt um Sol i Nakken,
dröymer alt um Sol i Nakken,
um Sol i Nakken.