La belle se siet           au piet de la tour,
Qui pleure et souspire     et mainne grant doulour.
Son pere lui demande:      «Fille qu'avez vous?
Volez vous mari,           ou volez vous seignour?»
«Je ne veul mari,          je ne veul seignour;
Je veul le mien ami,       qui pourist en la tour.»
«Et par Dieu, belle fille, a celui faudrés vous,
Car il sara pendu          demain au point du jour.»
«Et pere, s'on le pent,    enfouyés moy desous,
Si diront les gens:        vecy loyaus amours.»