L'an que voi l'erbe respiandre
Par les prez et renverdir
Lors vuil a chanter entendre
Que ne m'en puis plus tenir.
Mes cuers me fait ce emprendre
Qu iert mout grief au deservir
Amer, sans guierredon rendre
Ne puet mie cors soffrir
A longuement maintenir
Sanz confort et sanz merci.

Ja ne me grevast atendre
S'au loing me vousist oir.
Mes por c'est ma joie maindre
Que paor ai de faillir.
La fin d'amors vuil aprendre
Que j'en sai jusqu'au morir.
Ne nuns ne me puet deffendre
A amer ne a haïr.
Si me plait a maintenir
Amors, qu'el me plait merir.

Amors a grant seignorie
Sor moi, bien le m'a mostré.
Por ce nou retrai je mie
Qu'a li n'aie mon pensei.
Et se ma dame m'oblie,
Tant li cri : Merci, por Dé !
Qu'ele reconoisse et die
Que j'ai lëaument amé.
Adonc li soit pardoné.
Se je moroie, por Dé.