Fenesta vascia, e patrona crudele,
quanta sospire m'aje fatto jet tare!
M'arde sto core comm'a na cannela
bella quanno te sento annomenare!
oje piglia la sperienzia de la neve!
la neve e' fredda e se fa maniare,
e tu comme si' tant'aspra e crudele?
muorto mme vide e non mme vuo' ajutare?

Vorria arreventare no picciuotto
Co' na lancella a ghire vennenno acqua,
Pe mme nne i' da chiste palazzuotte:
Belle femmene meje, a chi vo' acqua?
Se vota na nennella da la 'ncoppa:
Chi e' sto ninno che va vennenno acqua?
E io risponno co parole accorte:
So lagreme d'ammore, e non e' acqua!