Dame, se vous n'avez aparceü
Que je vous aim de cuer, sans decevoir,
Essaiés le; si le sar&eacure;s de voir.

Vo grant biauté m'aroit trop deceü
Et vo douceur, qui trop me font doloir,
Dame, se vous n'avez aperceü
Que je vous aim de cuer, sans decevoir.

Car mon cuer ont si tres fort esmeü
A vous amer que ne puis concevoir
Que ja mais bien doie ne joie avoir.
Dame, se vous n'avez aperceü
Que je vous aim de cuer, sans decevoir,
Essaiez le; si le sarez de voir.