by Guillaume de Machaut (c1300 - 1377)
Helas! et comment aroie
Language: French (Français)
Helas! et comment aroie Bien ne joie, Ne dont me venroit baudour, Quant faire ne puis que j'oie Ne que voie, Dame, vo fine douçour? Par m'ame, je ne le sçay Ne saray, Lonteins de vous que j'aour, Pour ce qu'adès, sans delay, A l'essay Sui d'avoir toute dolour; Car long de vous tout m'anoie Et desvoie Mon cuer et tient en irour. Dont vostre amour morroie, Se j'estoie Longuement en telle ardour. Helas! et comment aroie. Nompourquant, tant com vivray, Vous seray Loyaus, sans penser folour, Et vostre gentil corps gay Serviray Humblement et à s'onnour; Si que durer ne porroie, Se n'avoie Confort desir qui guerroie Et maistroie Mon cuer et tient en langour. Helas! et comment aroie. Las! il tient en tel esmay Mon cuer vray Que je ne say le piour Eslire des maus que tray: Tant en ay, Et tant desir le retour Vers vous, dame simple et quoie. Or n'est voie Que puisse trouver ne tour, Et dous pis qu'Amours m'envoie, C'est que soie Loing de vo faitis atour. Helas! et comment aroie Bien ne joie, Ne dont me venroit baudour, Quant faire ne puis que j'oie Ne que voie, Dame, vo fine douçour?
Authorship:
- by Guillaume de Machaut (c1300 - 1377) [author's text checked 1 time against a primary source]
Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive):
- by Guillaume de Machaut (c1300 - 1377), "Helas! et comment aroie", monophonic virelai [text verified 1 time]
Researcher for this text: Emily Ezust [Administrator]
This text was added to the website between May 1995 and September 2003.
Line count: 49
Word count: 201