Drent bei der Schupfen schreits: „Guku!“ 
Und wenn oaner fürkimmt na luust er zu: 
Da hoaßt's daß dös ebbes Gut's bedeut', 
-- Weil der Guckezer gar a so schreit! 

Z'erscht roast a Dirn mit klugem Schritt: 
„Kimmt heunt der Bua“ denkt's „oder nit?“ 
„Heunt kimmt er do!“ sagt's z'letzt, voll Freud': 
„ -- Weil der Guckezer gar a so schreit!“

A Bübei hatscht in d'Schul sein Weg, 
Er hat nix g'lernt, heunt kriegt er Schläg':
„Ah, -- 's trifft heunt nit“, denkt der voll Schneid,
„ -- Weil der Guckezer gar a so schreit.“ 

Der Jager denkt: heunt geht's Gams ei', 
Der Doktor fahrt und hofft dös sei':
„Heunt wern's no wolter krank, die Leut:
„ -- Weil der Guckezer gar a so schreit.“ 

An alter Mensch kriecht mit sein' Pack: 
„Leidt's no a Maß?“ Na klopft er 'n Sack. 
„Eh ja, jetzt hat's Geld Wachsens Zeit: 
„Weil der Guckezer gar a so schreit.“ 

So glaubt halt Jeder, was er möcht'! 
Ha, dumm san d'Leut' halt, da hast recht!
Vielleicht wern's dengerscht nomal g'scheid:
-- Weil der Guckezer gar a so schreit.