by Olivier de Magny (1529 - 1560)
Je cherche paix, et ne trouve que guerre
Language: French (Français)
Je cherche paix, et ne trouve que guerre, Ores j'ay peur, ores je ne crains rien, Tantost du mal et tantost j'ay du bien, Je vole au ciel et ne bouge de terre. Au cueur doubteux l'espérance j'enserre, Puis tout à coup je luy romps le lyen, Je suis à moy et ne puis estre mien, Suyvant sans fin qui me fuyt et m'enferre. Je voy sans yeux, je cours sans desplacer, Libre je suis et me sens enlacer D'un poil si beau que l'or mesme il egale. J'englace au feu, je brusle dedans l'eau, Je riz en pleurs et ronge mon cerveau, Chantant tousjours comme fait la cigalle.
About the headline (FAQ)
Authorship:
- by Olivier de Magny (1529 - 1560), no title [author's text checked 1 time against a primary source]
Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive):
- by Ned Rorem (1923 - 2022), "Sonnet II", 1953, published 1970 [ high voice and piano or orchestra ], from Poèmes pour la Paix, no. 4, Boosey & Hawkes [sung text not yet checked]
Researcher for this text: Emily Ezust [Administrator]
This text was added to the website: 2017-05-04
Line count: 14
Word count: 109