by James Tytler (1745 - 1804)

I hae laid a herring in saut
Language: Scottish (Scots) 
I hae laid a herring in saut –
  Lass, gin ye lo’e me tell me know;
I hae brew’d a forpit o’ maut,
  And I canna come ilka day to woo:
I hae a calf that will soon be a cow –
  Lass, gin ye lo’e me tell me know;
I hae a stook, and I’ll soon hae a mowe,
  And I canna come ilka day to woo:

I hae a house upon yon moor –
  Lass, gin ye lo’e me tell me know;
Three sparrows may dance upon the floor,
  And I canna come ilka day to woo:
I hae a but, and I hae a ben - 
  Lass, gin ye lo’e me tell me know;
A penny to keep, and a penny to spen’,
  And I canna come ilka day to woo:

I hae a hen wi’ a happitie-leg –
  Lass, gin ye lo’e me tell me know;
That ilka day lays me an egg,
  And I canna come ilka day to woo:
I hae a cheese upon my skelf -
  Lass, gin ye lo’e me tell me know;
And soon wi’ mites ‘twill rin itself,
  And I canna come ilka day to woo.

Confirmed with The Garland of Scotia, edited by John Turnbull and Patrick Buchan, William Mitchison, Glasgow, 1841, Page 113.


Authorship

Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive)


Researcher for this text: Iain Sneddon [Guest Editor]

This text was added to the website: 2018-11-28
Line count: 24
Word count: 196