M. 
 Hola, hola, Caron, nautonnier infernal. 
C. 
 Qui est cet importun qui si pressé m’appelle ?
M. 
 C’est l’esprit esploré d’un amoureux fidelle
 Lequel pour bien aymer n’eust jamais que du mal.

C. 
 Que cherche tu de moy?
M. 
                         Le passage fatal.
C. 
 Qui est ton homicide?
M.
                         O demande cruelle !
Amour m’a faict mourir. 
C. 
                         Jamais dans ma nacelle
Nul subget à l’amour je ne conduis à val.

M. 
 Et de grace Caron, reçoy moy dans ta barque.
C.
 Cherche un autre nocher car ny moy ny la Parque
 N’entreprenons jamais sur ce maistre des dieux.

M.
 J’yray donc maugré toy car j’ay dedans mon ame
 Tant de traicts amoureux et de larmes aux yeux
 Que j’en feray le fleuve et la barque et la rame.