We'll meet nae mair at sunset when the weary day is dune,
Nor wander hame thegither by the lee licht o' the mune.
I 'll hear your steps nae langer amang the dewy corn,
For we'll meet nae mair, my bonniest, either at e'en or morn.

The yellow broom is waving abune the sunny brae,
And the rowan berries dancing where the sparkling waters play;
Tho' a' is bright and bonnie it 's an eerie place to me,
For we 'll meet nae mair, my dearest, either by burn or tree.

Far up into the wild hills there's a kirkyard lone and still,
Where the frosts lie ilka morning and the mists hang low and chill.
And there ye sleep in silence while I wander here my lane
Till we meet ance mair in Heaven never to part again!