C'est malheur que de vous aymer
Vostr' esprit estant si volage
Vous changés enfin que la mer
E si changés sans avantage
Que me sert il d'aymer un temps
C'est le mieux que de vous j'attens
Je ne seray jamais la paix
Je m'en repens pour tous jamais.

Rompons la paille pour tousiours
Et que chascun rende son gage:
Je vous vendz voz folles amours,
Et vous quitte l'humeur volage:
Rendes moy de vostre costé
La raison et la liberté
Je ne seray jamais la paix
Je m'en repens pour tous jamais.

Rendés ce cueur qui n'est plus mien,
Rendés ce que vous fait si belle:
Non belle ne me rendes rien,
Il suffit que vous soyes telle,
Par mes vers aussi mensongers,
Que vos beaux yeux furent légers.
Je ne seray jamais la paix
Je m'en repens pour tous jamais.