Cara rosa cotschnina,
o gi ti a mi:
Ha la matta carina
getg nuot zun a ti?

Cu siu maun amureivel
dal rom tei ha rut:
Ha igl egl buntadeivel
cuschiu, lu dal tut? -

Has buc viu ell'egliada,
la brascla d'amur?
Gi! -- po gi ina gada!
Jeu mierel d'ardur! -

Cara rosa, ti queschas
Cun cotschen surrir? -
Mei pli fetg murtireschas
e lais mei pitir!

O, che neu, che jeu betschi
tias levzas d'odur,
che mi'olma oz tschetschi
ord quellas l'amur - !