Ha! compagnons nous voyla bien,
Les autres plaisirs ne sont rien
Au pris de celuy que nous donne
Le bon vin sortant de la tonne.
   C’est viure que d’en faire cas,
   C’est mourir de n’en boire pas.

Les remedes des medcins
Nous corrompent les intestins,
Je ne voy rien pour nostre vsage
De pareil a ce doux breuvage.
   C’est viure que d’en faire cas,
   C’est mourir de n’en boire pas.

Il fait que l’on s’en porte mieux,
Il donne la joye à nos yeux,
Il rend la leure plus vermeille,
Et nous mét la puce à l’oreille.
   C’est viure que d’en faire cas,
   C’est mourir de n’en boire pas.

Plus on prend de cette liqueur,
Plus on a force et vigueur:
Prions donc que ce vin nous dure,
C’est l’espère de la nature.
   C’est viure que d’en faire cas,
   C’est mourir de n’en boire pas.

Beuuons beuuons pour ce soujét,
Et n’ayons hamais d’autre objét
Que celuy de nostre bouteille,
Puis qu’elle est plaine de merueille.
   C’est viure que d’en faire cas,
   C’est mourir de n’en boire pas.