Je ne sçay si ces vers sont dignes de mémoire, 
Mais je sçays bien qu'ils sont d'un misérable Amant 
Qui rechercha bien moins d'en tirer de la gloire 
Que d'en pouvoir tirer quelque soulagement. 

Il se mocqua du bruit et de la Renommée, 
S'il fut mauvais Poëte, il fut Amant discret ; 
Comme Phyllis est belle, elle fut bien aimée, 
Et l'on n'ayme pas bien si ce n'est en secret. 

Que s'il a mal loué tant de beautez divines 
Et d'un stile trop rude exprimé sa douleur. 
C'est qu'il n'a ressenty que de dures espines. 
Dont il n'a peu cueillir seulement une fleur. 

Aussi n'attend-il pas que personne l'estime, 
Si ce n'est pour sa longue et parfaite amitié ; 
Il souffre que l'on blasme et son stile et sa rime, 
Mais il prétend du moins qu'on ait de luy pitié.