by Anonymous / Unidentified Author

Lied von Spervogel
Language: Mittelhochdeutsch 
Er ist gewaltic unde starc,
der ze wînnaht geborn wart:
Daz ist der heilige Krist.
jâ lobt in allez, daz dir ist,
Niewan der tievel eine:
dur sînen grôzen übermuot
sô wart ime diu helle ze teile.
In der helle ist michel unrât: 
swer dâ heimuote hât,
Diu sunne schînet nie so lieht,
der mâne hilfet in niet,
Noch der liehte sterne:
jâ müet in allez, daz er siht,
jâ wær er dâ ze himel alsô gerne.
In himelrîch ein hûs stât,
ein guldîn wec dar în gât,
Die siule die sint mermelîn;
die zieret unser trehtîn
Mit edelen gesteine:
dâ enkumt nieman în,
er ensî von allen sünden alsô reine.
Swer gerne zuo der kilchen gât
und âne nît dâ stât,
Der mac wol vrôlîchen leben:
dem wirt ze jungest gegeben 
Der engel gemeine.
wol im, daz er ie wart:
ze himel ist daz leben alsô reine.
Ich hân gedienet lange
leider einem manne,
Der in der helle umbe gât:
der bûwet mîne missetât,
Sin lôn der ist bœse.
hilf mir, heiliger geist,
daz ich mich von sîner vancnisse lœse. 

Under the title in The German classics from the fourth to the nineteenth century: a German Reading Book, 1858: "Siehe Von der Hagen's «Minnesinger»"

Authorship

Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive)

    [ None yet in the database ]

Settings in other languages, adaptations, or excerpts:

  • Also set in German (Deutsch), a translation by Will Vesper (1882 - 1962) FRE ; composed by Walter Courvoisier, Hans Gál, Paul Hermann Franz Graener, Robert Kahn, Max Reger.

Researcher for this text: Emily Ezust [Administrator]

Text added to the website: 2009-10-14 00:00:00
Last modified: 2014-06-16 10:03:24
Line count: 35
Word count: 181