En ce gracieux tamps joli
en un destour la j'ay oÿ,
si douchement
et plus tres joli
c'onques ne vi,
le rosignolet liemant canter oci, oci...

Mais d'autre part il y avoit
un oysel que toudis crioit
a haute vois: cocu
salliant de buison en buison.

Ne point tarre ne se voloit,
maiz toudis plus fort cantoit
dedens [le] bois: cocu
et ne dissoit autre chanson.

Adont tantost je m'en parti
et m'en alay sans nul detri
avertement
vers le rosignolz bel et jant
que je vëoy,
et l'ascoutoy galardement dissant: oci...
			
En ce gracieux tamps joli...