Frere Thibault, séjourné, gros et gras
Tiroit de nuyt une garse en chemise
Par le treilliz de sa chambre ou les bras
Elle passa, puis la teste y a mise
Et puis le seing, mais elle fust bien prise

Car son fessier y passer ne peult onc.
»Par la mort bieu, se dist le moyne adonc,
Il ne m'enchault de bras, tétins ne teste
Passez le cul ou vous retirez donc
Je ne scauroy sans luy vous faire feste «.