D'un autre amer mon cuer s'abesseroit
Il ne fault ja penser que l'estrange
Ne que pour rien de ce propos me change
Car mon honneur en appetisseroit

Je l'aime tant que jamais ne seroit
Possible a moi consentir l'eschange
    D'un autre amer mon cuer s'abesseroit
    Il ne fault ja penser que l'estrange.

La mort par dieu avant me defferoit
Qu'en mon  vivant j'acointasse ung estrange
Ne cuide nul qu'a cela je me range
Ma leaulte trop fort je mefferoit.

    D'un autre amer mon cuer s'abesseroit
    Il ne fault ja penser que l'estrange
    Ne que pour rien de ce propos me change
    Car mon honneur en appetisseroit.