by Anonymous / Unidentified Author

Les tres doulx yeux
Language: French (Français) 
Available translation(s): ENG
Les tres doulx yeux du viaire madame
Me font souvent rire et joye mener
Son doulx maintieng et son tres doulx parler
M'ont mis ans feu d'amours droit en la flamme.

Helas, souvent mon pouvre cuer se pasme
Des griefs doulours qui me fault endurer
  Les tres doulx yeux du viaire madame
  Me font souvent rire et joye mener.

Nient mains la vueil servir de corps et d'ame
Car j'espoir quel la belle sans per
En acuns temps me vendra conforter
Par se biaux mos car ils sont doulx que ame.

  Les tres doulx yeux du viaire madame
  Me font souvent rire et joye mener
  Son doulx maintieng et son tres doulx parler
  M'ont mis ans feu d'amours droit en la flamme.

Authorship

Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive)

Available translations, adaptations, and transliterations (if applicable):

  • ENG English (David Wyatt) , title 1: "The sweetest eyes", copyright © 2012, (re)printed on this website with kind permission


Researcher for this text: David Wyatt

This text was added to the website: 2012-06-06
Line count: 16
Word count: 122