Whar hae ye been a' the day, 
My boy, Tammy,
Whar hae ye been a' the day, 
My boy, Tammy?
I've been by burn and flow'ry brae, 
Meadow green and mountain gray, 
Courting o' this young thing,
Just come frae her mammy.

And whar gat ye that young thing, 
My boy, Tammy?
And whar gat ye that young thing, 
My boy, Tammy?
I gat her down in yonder how, 
Smiling on a broomy know, 
Herding ae wee lamb and ewe
For her poor mammy.

Has she been to the kirk wi' thee, 
My boy, Tammy?
Has she been to the kirk wi' thee, 
My boy, Tammy?
She has been to the kirk wi' me, 
And the tear was in her ee; 
But, oh! she's but a young thing,
Just come frae her mammy.