Je n'ay dueil que je ne suis morte
Ne doye je pas vouloir morir
Dueil a mon cuer voulu saisir
Qui de tous biens me desconforte

Ma douleur est plus que trop forte
Car sans avoir aucun plaisir
    Je n'ay dueil que je ne suis morte
    Ne doye je pas vouloir morir

Je n'ay rien qui plus me conforte
D'œil ne voy plus que desplaisir
Mort est le plus que mon desir
Car quelque chouse qu'on m'aporte

    Je n'ay dueil que je ne suis morte
    Ne doye je pas vouloir morir
    Dueil a mon cuer voulu saisir
    Qui de tous biens me desconforte