Mort tu as navre de ton dart
Le pere de joieuseté
En desployant ton estandart
Sur Binchois patron de bonté
Son corps est plainte et lamenté
Qui gist soubs lame
Helas plaise vous en pitié
    Prier pour l'ame.

Retorique se Dieu me gard
Son serviteur a regreté
Musique par piteux regard
Fait deul et noir a porté
Pleurez hommes de feaulté
Faites reclame
Vueillez vostre université
    Prier pour l'ame.

En sa jonesse fut soudart
De honnourable mondanité
Puis a esleu la milleur part
Servant Dieu en humilité
Tant luy soit en crestienté
Son nom est fame
Qui detient de grant voulenté
    Prier pour l'ame.

TENOR, CONTRATENOR I & II
 Miserere, miserere pie Jhesu
 Domine dona ei requiem
 Quem in cruce redemisti
 Precioso sanguine
 Pie Jhesu domine dona ei requiem.