Willy's rare, and Willy's fair, 
And Willy's wond'rous bonny;
And Willy heght to marry me, 
Gin e'er he marry'd ony.

Yestreen I made my bed fu' brade, 
The night I'll make it narrow;
For a' the live long winter's night, 
I'll lie twin'd of my marrow.

O! came you by yon water side? 
Pu'd you the rose or lily?
Or came you by yon meadow green? 
Or saw you my sweet Willy?

She sought him east, she sought him west,
She sought him brade and narrow;
Sine, in the clifting of a craig, 
She found him drown'd in Yarrow.