O Domine Jesu Christe, adoro te in cruce pendentem 
et coronam spineam in capite portantem :  
deprecor te, ut ipsa crux liberet me ab angelo percutiente.

O Domine Jesu Christe, adoro te in cruce vulneratum, 
felle et aceto potatum :  deprecor te, 
ut tua vulnera sint remedium animae meae.

O Domine Jesu Christe, adoro te in sepulcro positum, 
myrrha et aromatibus conditum :  
deprecor te, ut tua mors sit vita mea.

O Domine Jesu Christe, pastor bone, iustos conserva, 
peccatores iustifica, omnibus fidelibus miserere, 
et propicius esto mihi peccatori.

O Domine Jesu Christe, propter illam amaritudinem, 
quam pro me sustinuisti in cruce, maxime in illa hora, 
quando sanctissima anima tua egressa est de corpore tuo, 
miserere animae meae in egressu suo. 
Amen.