Tho' for seven years and mair honour should reave me,
To fields where cannons roar, thou need na grieve thee;
For deep in my spirits thy sweets are indented,
And love shall preserve ay what love has imprinted.

Leave thee, leave thee, I'll never leave thee,
Gang the warld as it will, dearest believe me.

O Johnny, I'm jealous whene'er ye discover
My sentiments yielding ye'll turn a loose rover;
And nought i' the warld wad vex my heart sairer,
If you prove unconstant, and fancy ane fairer.

Grieve me, grieve me, O! it wad grieve me!
A' the lang night and day, if you deceive me.

Bid iceshogles hammer red gauds on the studdy,
And fair simmer mornings nae mair appear ruddy;
Bid mankind think ae gate, and when they obey ye,
But never till that time believe I'll betray ye.

Leave thee, leave thee, I'll never leave thee,
The starns shall gang withershins e'er I deceive.