Fors seulement [l'actente]1 que je meure
En mon las cuer nul espoir ne demeure
Car mon [maleur si tresfort]2 me tourmente
[Qu'il n'est douleur que pour vous je me sente]3
[Pour ce que]4 suis de vous perdre bien seure.

Vostre rigueur bellement my queurt seure
Qu'en ce parti il fault que je m'asseure
Dont je n'ay bien qui en riens me contente
    Fors seulement l'actente que je meure
    En mon las cuer nul espoir ne demeure
    Car mon maleur si tresfort me tourmente

Mon desconfort toute seule je pleure
En maudisant sur ma foy a toute heure
Ma leaute qui tant me fait dolente
Las que je suis de vivre malcontente
Quant de par vous n'ay riens qui me demeure5 

    Fors seulement l'actente que je meure
    En mon las cuer nul espoir ne demeure
    Car mon maleur si tresfort me tourmente
    Qu'il n'est douleur que pour vous je me sente
    Pour ce que suis de vous perdre bien seure.

Du tout plongiet au lac de desespoir,
Trouve me suis sans attente n'espoir
D'avoir jamais des biens de Fortune;
Mais, se trouver puis scayson oportune,
Je me assairay d'en quelque chose avoir.