O, wat ye wha that lo'es me
And has my heart a-keeping?
O, sweet is she that lo'es me,
As dews o' summer weeping,
In tears the rosebuds steeping!
  Refrain: O, that's the lassie o' my heart,
    My lassie ever dearer!
    O, that's the queen o' womankind,
    And ne'er a ane to peer her!

If thou shalt meet a lassie,
In grace and beauty charming,
That e'en thy chosen lassie,
Erewhile thy breast sae warming,
Had ne'er sic powers alarming :
  Refrain

If thou hadst heard her talking,
(And thy attention's plighted),
That ilka body talking,
But her, by thee is slighted,
And thou art all delighted :
  Refrain

If thou hast met this fair one,
When frae her thou hast parted,
If every other fair one
But her, thou hast deserted,
And thou art broken-hearted,
  Refrain.