Kalla kantuz ogipetik 
Uztai-agorriletan; 
Maiteaganik etxerakuan 
Entzun izan dut bortzetan, 
Amodiuak bainerabilkan 
Haren borta-leihuetan. 

Baratzian zoin den eder 
Julufreiaren lilia. 
Aspaldian ez dut ikusi 
Maiteñoaren begia. 
Balinba gaixua orhoit ahal da 
Non eman zautan fedia. 

Orhoitzen nuzu, orhoitzen 
Etzirautatu ahanzten; (etzait) 
Madalena batek bezenbat pena
Bihotzian dut sofritzen; 
Jaten dudan ogia ere 
Nigarrez baitut bustitzen. 

Eniza bada dohakabea 
Mundu huntara sorthuia 
Ezin nukeien amurrainari 
Edatu nion amuia: 
Damu mingaitzik jakin duela 
Ene gogoko berria. 

Amurraina nimiñoa, 
Nimiño bainan abudo, 
Ur zolatikan gaineraino 
Ateratzen da oraino. 
Neskatxak ezetz erranagatik
Mutilak amora lio. 

Bazterretik bazterrera, 
Itsasoaren zabala! 
Ez dakienak erran lezake
Ni alegera naizela: 
Ortzetan dizut irria eta 
Bi begietan nigarra.