Ha anem Ort es Blüemeli gseh, 
Es Blüemeli roth u wyß.    
Das Blüemeli gsehn i nümme meh, 
Drum thut es mir im Herz so weh.
CHORUS:
O Blüemeli my!  O Blüemeli my! 
I möcht geng by der sy.

Ihr kennet mir mys Blüemeli nit; 
'S git nummen eis e so. 
'S isch leider Gott viel tuusig Schritt 
Vo hie;  i gseh mys Blüemeli nit. 
(CHORUS)

Das Blüemelei blüit  --  ach!  nit für mi!  
I darfs nit brechen ab. 
Es mueß en andre Kerli sy. 
Das schmürzt mir drum so grüüseli. 
(CHORUS)

O lat mi bi mym Blüemeli sy,
I gschändes wäger nit. 
Es tröpflet wohl es Thränli dry. 
Ach!  i ma nimme lustig sy. 
(CHORUS)
 
U wen i einisch gstorbe bi, 
U d's Blüemeli o verdirbt, 
So thue mer dee mys Blüemeli 
Zu mir uf d's Grab, i bitte di. 
(CHORUS)