Adiós ríos, adiós fontes
adiós regatos pequenos
adiós vista dos meus ollos,
non sei cándo nos veremos.
Miña terra, miña terra
terra donde m'eu criey
hortiña que quero tanto,
figueiriñas que prantey.
Prados, ríos, arboredas,
pinares que move o vento
paxariños piadores,
casiña de meu contento.
Muhiño d'os castañares,
noites craras do luar,
capaniñas timbradoras
da igresiña do lugar.
Amoriñas d' as silveiras
qu' eu lle ddab' o meu amor,
caminiños antr ' o millo,
¿adiós groria! ¿Adiós contento!
¿Deixo a casa donde nacín
¿deixo a aldea que conoço,
por un mundo que non vi!
Deixo amigos por extraños,
deixo á veiga po-lo mar,
deixo, en fin, canto ben quero...
¿Que pudera non deixar!...