Le grá dhuit níl radharc am cheann,
Eibhlín a Rún,
Is trácht ort is saidhbhreas liom,
Eibhlín a Rún;
Ó mo mhórdháil ró-ghreidhnmhear thú,
sólás na Soillse's tú,
Ó mo lile thú, mo mheidhir is tú,
mo bhruinneal thú go deimhin.
A's mo chlús dá bhfuil sa choill seo's tú.
As mo chroí 'stigh níl leigheas gan tú,
Eibhlín a Rún.

Le cúirtéis na tlúig bhéit, is tú,
Eibhlín a Rún,
Dúrt bréag nú's liam fhéinig tú,
Eibhlín a Rún,
Mar is breátha ná Bhénus tú,
'sis áilne ná'n Réilthean tú;
Ó mo Hélen tú gan bhéim is tú mo rós,
mo lil mo chraobh
Mo stór d'á bhfuil sa tsaol so's tú,
Agus rún mo chroí agus mo chléibh is tú,
Eibhlín a Rún.

Do shiúlfainn féin i gcónáí leat,
Eibhlín a Rún
Do shiúlfainn féin i gcónáí leat,
síos go Tír Amhlghaidh leat,
Mar shúil go mbéinn i gcleamhnas,
Eibhlín a Rún.
 
An dtiocfaidh no'n bhanfaidh tó,
Eibhlín a Rún
Tiocfaidh mé, 'sní fhanfaidh mé,
Tiocfaidh mé,' sní fhanfaidh mé
Tiocfaidh mé, 'sní fhanfaidh mé
'S éalóidh mé stór.

Sheolfainn féin gamhna leat,
Eibhlín a Rún
Sheolfainn féin gamhna leat,
síos go Tír Amhlghaidh leat
Mar shúil go mbeinn i gcleamhnas leat,
Eibhlín a Rún.