Sechs schweizerdeutsche Lieder für 1 Singstimme mit Pianoforte

Wenn am Himmel d'Stärn erglänze
Und i still und trurig stoh,
Isch es mer, du chömist wider
Und i ghör de hübschli goh. 

Und mer isch, i müeß de chüffe
Und es müeß we früehner si  -- 
Ach, es chunt kein Toten ume  --
Härz, o Härz, ergib de dri! 

I thuen e Schritt und wirfen us,
In iede Sore gnue;
Es ist zäntumen Alles still
Und's luegt doch öpper zue.

Es schlicht e hälle Sunneschin
Em warme Räge no;
Se glänze und se winke mer:
"Mer wänd d'rs wachse loh!" 

Hinderm Hus im stille Garte,  
Zwüsche Rosen und Rosmari,
Hämmer is no gschüßt bim Scheide
Und denn bist du's Fäld duri.

D'Stärn händ über s'Täli gschine
Und i luege lang der no
Und han us em Buechewäldli
Dütlig no dis Lied verno. 

Wenn i trurig z'Nacht verwache,
Mueß i süfze:  Chunst du bald? 
Und i ghöre dütlig wider
s'Liedli us em Buechewald.

I bin e chline Pfüder
Vo sibe Johre gsi
Und mit em große Chratte
Die nasse Matten i.

I bi de gfallen Öpfel
Uf's Votters Bode no
Und ha's chum möge gschleike
Und's Müetli trole lo.

Do chunt mit einischt's Meili
Und luegt me fründlig a
Und seit:  "I will der hälfe
Und will d'r Chratte ha."

Es list mer d'Öpfel zsäme
Und het der Chratte treit,
Goht mit mer bis zum Bungert
Und het mer Adie gseit.

Scho mängischt, wenn's mer ungrad
Und lätz ergoht sidhär,
So süsz i:  "Wenn es Meili
Doch wider bi mer wär!"

Hinderm Bärg und überm Wald
Foht's a wätterleine;
Schick di, daß d'i Schärme chunst!
's tätscht scho a de Reine. 

Morn ist jedes Wägli naß,
Alles lauft uf Steinli:
Chunt mi Schatz durs Dorf durab,
Gsehn i sini Beinli.

Es Brünneli ruschet vorem Wald,
Dert hämmer mängisch gsässe,
Händ ringsum alls vergässe
Am Brünnli so allei.

Won er i d'Fröndi zoge'n ist,
So hämmer no dra trunke
und i han ihm no gwunke
Am Brünnli so allei.

I luege no-n-em mängi Stund
I d'Witi voll Verlange
We lang mues i no blange
Am Brünnli so allei.