Three Scottish Songs

O luely, luely cam she in
And luely she lay doun:
I kent her by her caller lips
And her briests sae sma' and roun'.

A' thru the nicht we spak nae word
Nor sinder'd bane frae bane:
A' thru the nicht I heard her hert
Gang soundin' wi' ma ain.

It was about the waukrife hour
Whan cocks begin tae craw
That she smool'd saftly thru the mirk
Afore the day wud daw.

Sae luely, luely cam she in
Sae luely was she gaen
And wi' her a' my simmer days
Like they had never been.

O! shairly ye hae seen my love
Down whaur the waters wind:
He walks like ane wha fears nae man
And yet his e’en are kind.

O! shairly ye hae seen my love
At the turnin o’ the tide;
For then he gethers in the nets
Down by the waterside.

O! lassie I hae seen your love
At the turnin o’ the tide;
And he was wi’ the fisher-folk 
Down by the waterside.

The fisher-folk were at their trade
No far frae Walnut Grove;
They gether’d in their dreepin nets
And fund your ain true love.

Upon the street they lie
Beside the broken stone:
The blood of children stares from the broken stone.

Death came out of the sky
In the bright afternoon:
Darkness slanted over the bright afternoon.

Again the sky is clear
But upon earth a stain:
The earth is darkened with a darkening stain:

A wound which everywhere 
Corrupts the hearts of men:
The blood of children corrupts the hearts of men.

Silence is in the air:
The stars move to their places:
Silent and serene the stars move to their places:

 ...