Again rejoicing Nature sees
Her robe assume its vernal hues, ;
Her leafy locks wave in the breeze,
All freshly steep'd in morning dews.
Refrain : And maun I still on Menie doat,
  And bear the scorn that 's in her e'e ?
  For it's jet, jet black, an' it's like a hawk,
  An' it winna let a body be!

In vain to me the cowslips blaw,
In vain to me the vi'lets spring ;
In vain to me in glen or shaw,
The mavis and the lintwhite sing.
Refrain : And maun I still on Menie doat,
  And bear the scorn that 's in her e'e ?
  For it's jet, jet black, an' it's like a hawk,
  An' it winna let a body be!

The merry ploughboy cheers his team,
Wi' joy the tentie seedsman stalks;
But life to me's a weary dream,
A dream of ane that never wauks.
Refrain : And maun I still on Menie doat,
  And bear the scorn that 's in her e'e ?
  For it's jet, jet black, an' it's like a hawk,
  An' it winna let a body be!

The wanton coot the water skims,
Amang the reeds the ducklings cry,
The stately swan majestic swims,
And ev'ry thing is blest but I.
Refrain : And maun I still on Menie doat,
  And bear the scorn that 's in her e'e ?
  For it's jet, jet black, an' it's like a hawk,
  An' it winna let a body be!

The sheep-herd steeks his faulding slap,
And o'er the moorlands whistles shill ;
Wi' wild, unequal, wand'ring step,
I meet him on the dewy hill.
Refrain : And maun I still on Menie doat,
  And bear the scorn that 's in her e'e ?
  For it's jet, jet black, an' it's like a hawk,
  An' it winna let a body be!

And when the lark 'tween light and dark,
Blythe waukens by the daisy's side,
And mounts and sings on flitt'ring wings,
A wae-worn ghaist I hameward glide.
Refrain : And maun I still on Menie doat,
  And bear the scorn that 's in her e'e ?
  For it's jet, jet black, an' it's like a hawk,
  An' it winna let a body be!

Come, Winter, with thine angry howl,
And raging bend the naked tree;
Thy gloom will soothe my cheerless soul,
When Nature all is sad like me!
Refrain : And maun I still on Menie doat,
  And bear the scorn that 's in her e'e ?
  For it's jet, jet black, an' it's like a hawk,
  An' it winna let a body be!