I am my mammy's ae bairn,
  Wi' unco folk I weary, sir;
And lying in a man's bed,
 I'm fley'd it make me eerie, sir.
     I'm o'er young, I'm o'er young,
       I'm o'er young to marry yet;
     I'm o'er young, 'twad be a sin
       To tak me frae my mammy yet.

 ... 

Hallowmass is come and gane,
  The nights are lang in winter, sir,
And you an' I in ae bed,
  In trowth, I dare na venture, Sir.
     I'm o'er young, I'm o'er young... etc.

Fu' loud and shill the frosty wind
  Blaws thro' the leafless timmer, sir;
But if ye come this gate again,
  I'll be aulder be gin simmer, sir.
     I'm o'er young, I'm o'er young... etc.