Ma belle si ton ame
Se sent or allumer
De cette douce flame
Qui nous force d'aymer,
Allons contans,
Allons sur la verdure,
Allons tandis que dure
Nostre jeune printemps.

Avant que la journee
De nostre age qui fuit
Se trouve environee
Des ombres de la nuit,
Prenons loysir
De vivre nostre vie
Et sans craindre la vie
Donnons-nous du plaisir.

Du soleil la lumiere
Vers le soir se desteint,
Puis a l'aube premiere
Elle reprend son teint.
Mais nostre jour,
Quant une foys il tombe,
Demeure sous la tombe,
Sans espoir de retour.

 ...