Saw ye Johny coming, quo' she,
  Saw ye Johny coming:
Wi' his blew bonnet on his head,
  And his dogie running, quo' she,
  And his dogie running?

 ... 

O what will I do wi' him, quo' he,
  What will I do wi' him?
He has ne'er a coat upon his back,
  And I hae nane to gie him.
I hae twa coats into my kist,
  And ane of them I'll gie him:
And for a merk of mair fee,
  Dinna stand wi' him, quo' she,
  Dinna stand wi' him.

For weel do I loe him, quo' she,
  Weel do I loe him;
O fee him, father, fee him, quo' she,
  Fee him, father, fee him;
He'll ha'd the pleugh, thrash in the barn,
  And crack wi' me at e'en, quo' she,
  And crack wi' me at e'en.