[O saw]1 ye Johny [cumin]2, quo' she,
  Saw ye Johny [cumin]2:
Wi' his blew bonnet on his head,
  And his dogie [rinnin]3, quo' she,
  And his dogie [rinnin]3?

[O fee]4 him, father, fee him, quo' she,
  Fee him, father, fee him;
For he is a gallant lad, and a weil-doin, quo' she,
  And a' the wark about the [town]5
Gaes wi' me when I see him, quo'she,
Gaes wi' me when I see him.

[O what will I do wi' him, quo' he,
  What will I do wi' him?]6
He has ne'er a [coat]7 upon his back,
  And I hae nane to gie him.
I hae twa [coats into my kist]8,
  And ane of them I'll gie him:
And for a merk of mair fee,
  Dinna stand wi' him, [quo' she]9,
  Dinna stand wi' him.

For weel do I loe him, quo' she,
  Weel do I loe him;
O fee him, father, fee him, quo' she,
  Fee him, father, fee him;
He'll ha'd the pleugh, thrash in the barn,
  And crack wi' me at e'en, quo' she,
  And crack wi' me at e'en.