Hún amma mín það sagði mér: "Um sólarlagsbil 
á sunnudögum gakk þú ei Kirkjuhvols til!
Þú mátt ei trufla aftansöng álfanna þar. -
Þeir eiga kirkju í hvolnum, og barn ég var,
í hvolnum kvað við samhljómur klukknanna á kvöldin."

Hún trúði þessu, hún amma mín, - ég efaði ei það,
að allt það væri rétt, er hún sagði um þann stað.
Ég leit því jafnan hvolsins með lotningu til, -
ég lék mér þar ei nærri um sólarlagsbil:
Ég þóttist heyra samhljóminn klukknanna á kvöldin.

 ...