Saw ye Johny cumin, quo' she,
  Saw ye Johny cumin:
Wi' his blew bonnet on his head,
  And his dogie rinnin, quo' she,
  And his dogie rinnin?

Fee him, father, fee him, quo' she,
  Fee him, father, fee him;
For he is a gallant lad, and a weil-doin, quo' she,
  And a' the wark about the house
Gaes wi' me when I see him, quo'she,
Gaes wi' me when I see him.

What wad I do wi' him, hussy
What wad I do wi' him?
He has ne'er a sark upon his back,
  And I hae nane to gie him.
I hae twa sarks in my kist neuk,
  And ane of them I'll gie him:
And for a merk of mair fee,
  Dinna stand wi' him, Father,
  Dinna stand wi' him.

For weel do I loe him, quo' she,
  Weel do I loe him;
O fee him, father, fee him, quo' she,
  Fee him, father, fee him;
He'll ha'd the pleugh, thrash in the barn,
  And crack wi' me at e'en, quo' she,
  And crack wi' me at e'en.