Les douleurs, dont me sens tel somme,
Font mon penser tout assommer,
Et si ne m'en puis dessommer,
Dont j'ay souvent mau jour et somme.

Et, sans cesser, je compte et somme,
Pensant tousjours les assommer.
  Les douleurs, [dont me sens tel somme,
  Font mon penser tout assommer.]

Mais moy mesmes du coup m'assomme;
Et, se Mort me devoit sommer
Et de sa massue assommer,
Si ne les puis je mettre en somme.

  Les douleurs, [dont me sens tel somme,
  Font mon penser tout assommer,
  Et si ne m'en puis dessommer,
  Dont j'ay souvent mau jour et somme.]