by Le Rousselet (flourished 15th century)

Malheureux cueur, que vieulx tu faire?
Language: French (Français) 
Available translation(s): ENG
Malheureux cueur, que vieulx tu faire?
Vieulx tu tant a une complaire
Que ung seul jour je n'aye repos?
Penser ne puis a  quel propos
Tu me fais tant de paine traire.

Nous n'avons ne joye ne bien,
Ne toy ne moy, te le sces bien,
Tous jours languissons en destresse;

Ta leaulté ne nous vault rien,
Et qui pis est, seur je me tien
Qu'il n'en chaut a nostre maistresse.

Combien qu'aies volu perfaire,
Tes plaisirs craignant luy desplaire,
Accroissant son bon bruit et los;
Mal t'en est prins, pour ce, tes los,
Que brief pense de te desfaire.

Malheureux cueur, [que vieulx tu faire?
Vieulx tu tant a une complaire
Que ung seul jour je n'aye repos?
Penser ne puis a  quel propos
Tu me fais tant de paine traire.]

Authorship

Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive)

Available translations, adaptations, and transliterations (if applicable):

  • ENG English (David Wyatt) , title 1: "Unhappy heart, what do you want?", copyright © 2012, (re)printed on this website with kind permission


Researcher for this text: Alberto Pedrotti

This text was added to the website between May 1995 and September 2003.
Line count: 21
Word count: 132